لما ينتهي الاشتراك: والتجديد
أنت تنقفل وعميلك لا. اللي يوقف، واللي يكمل، وزر «اطلب التجديد».
- البداية والاشتراك
- الويب، آيفون وآيباد، أندرويد
القاعدة اللي بني عليها كل شي هنا: لما ينتهي اشتراك فرع، أنت تنقفل وعميلك لا. بياناتك كلها محفوظة، وبطاقات عملائك ما تتأثر.
- في تطبيق الوكي تحكم افتح «منشأتك والاشتراك» من «كل الأقسام» في الصفحة الرئيسية، ثم «حالة الاشتراك». (آيفون وآيباد، أندرويد)

«حالة الاشتراك»: الأنظمة المفعّلة على الفرع وحتى متى.
اللي يوقف
اللي يوقف عندك أنت: الحفظ في لوحة الفرع، تفتح وتقرأ كل شي، وكل زر حفظ مكتوب عليه «الاشتراك منتهي — جدّد للحفظ»، وتسجيل الزيارات الجديدة على الكاشير، وبيع الباقات، ورسائل العملاء، والإهداء من القائمة، والطلبات المسبقة الجديدة، وصفحة القائمة توقف بأدب عن الاستقبال.
اللي يكمل
واللي يكمل عند عميلك: بطاقته باقية في محفظته برصيدها وجوائزها المتخزّنة، ويستردها على كاشيرك عادي، ويصرف وحدات الباقات اللي دفع ثمنها، والطلب المسبق اللي انطلب قبل الوقوف يجهز ويُسلَّم. ما يشوف عميلك أبدًا رسالة تقول إن المحل ما دفع.
«اطلب التجديد»
الفرع اللي انتهى اشتراكه، أو دخل آخر ١٤ يومًا، يطلع على لوحته صندوق التجديد: سعر فرعك، وزر «اطلب التجديد». (الويب)
- في تطبيق الوكي تحكم تشوف في «حالة الاشتراك» تاريخ نهاية فرعك وكل نظام عليه، وتحتها «هذه الميزة غير متاحة لحسابك». تبي تجدد؟ اضغط «افتح تذكرة دعم»، وفريق ألوكي يتواصل معك ويكمّل التجديد. المدة ربع سنوية أو سنوية، وما فيه اشتراك شهري. (آيفون وآيباد، أندرويد)
- اختر المدة: «ربع سنوي» أو «سنوي»، وسعر كل واحدة مكتوب جنبها. ما فيه اشتراك شهري. (الويب)
- اكتب «ملاحظة (اختياري)» لو عندك شي نحتاج نعرفه، حوّلت المبلغ، أو تبي تكلمنا أول. (الويب)
- اضغط «اطلب التجديد» ثم «أكّد وأرسل». ما ينسحب منك شي، الزر إشارة لنا، وإحنا نتواصل معك نكمّل التجديد. (الويب)

صندوق التجديد على الفرع المنتهي على owner.hwe.sa: «ربع سنوي» أو «سنوي» بسعر فرعك، وملاحظة اختيارية، و«اطلب التجديد». ما ينسحب منك شي. - تأكد إن الصندوق تغيّر إلى «طلبك وصلنا» وتحته تاريخ طلبك، هذا كل شي، وما تحتاج تعيد الطلب. (الويب)

«طلبك وصلنا» وتاريخه. الطلب المفتوح واحد لكل فرع، والضغطة الثانية تعرض نفس الطلب.
خدمة موقوفة عند الجميع
فيه فرق بين «اشتراك فرعك انتهى» و«خدمة موقوفة على مستوى ألوكي». الثانية مفتاح عندنا إحنا، مو عندك: إهداء الجوائز، رسائل المحلات، مواعيد العيادات، الباقات المدفوعة، والبطاقات التعريفية. لو أوقفنا وحدة منها، تختفي عند كل المحلات مؤقتًا، مو عندك أنت وحدك.